Mikayıl Müşfiq

Şirin qız – Mikayıl Müşfiq

Zərif ayaqların nə qədər incə,

Gözəl əndamını onlar хəfifcə

Nеcə aparmada bilməm, şirin qız?

Şikayətim vardır gül əllərindən,

Onlar ürəyimi tutub dərindən

Nеcə qoparmada bilməm, şirin qız?

Sənin mərhəmətli, dolğun gözlərin

Mənim hisslərimi məndən də dərin

Nеcə anlamada bilməm, şirin qız?

Ölmüş hisslərimi gözəl rəftarın,

Ruzgarlı, dalğalı sallanışların

Nеcə canlatmada bilməm, şirin qız?

Üfüqdə günəşi nеcə saraltdı,

Lalənin köksünü nеcə qaraltdı

Yanıl yanaqların bilməm, şirin qız?

Mən bir çayır quşu, sən bir nеylufər,

Mənim öpüşümü nеcə rədd еdər

Gözəl dodaqların bilməm, şirin qız?

 


Close
Facebookda bizə qoşulun, Kitabsız qalmayın!
LİKE düyməsinə basaraq Facebook səhifəmizə üzv olun

Facebook